Pages

Showing posts with label PIWURUK. Show all posts
Showing posts with label PIWURUK. Show all posts

Thursday, 27 August 2015

SISINDIRAN PIWURUK

daun pulus dilulunan
jojodog ti tarkolot
sugan tulus lalaunan
aya jodi pakokolot

Boboko ayakan kalo
cecempeh wadah gorengan
bobogohan ulah ka alo
matak loba kagorengan

Tangkal saledri tangkal kangkung
dijengkal baki didapur
aya istri di kerudung
hanjakal beuki salaki batur

Kamana Jalan Ka Jogja
Kaditu Ka Palih Wetan
Kamana Jaln Ka Surga
Ka ditu Ka Pangaosan

Barangbang dahan kalapa
malang dina jalan suni
lamun hidep geus dewasa
kudu bisa jaga diri

Nanggap wayang diheulakeun
bodorna Cepot jeung Gareng
Murid nu rajin ngapalkeun
moal meunang peunteun goreng

buah kedong-dong
buah salak
hepi dong
tong galak

Kanikir siki kanikir
cangkudu meunang panimu
Kapikir beuki kapikir
hirup kudu loba elmu

Batu kali dina cai
Dina cai aya hurang
Punten abdi sanes ahli
Sepi harti kirang luang

Hayam jago boga dua
dipeuncit poe kamari
kudu getol ka sakola
sangkan jadi jalma ngarti

Ka pasar meuli kapiting
kapitingna tinggal dua
Ulah sok liar ti peuting
osok loba gogodana

Samemeh ngamparkeun kasur
samak heula ambéh rinéh
saméméh nyalahkeun batur
tilik heula awak manéh

Ngala lauk meunang selar
bungkusna ku daun jati
Sakur mahluk nu gumelar
dipikaasih ku gusti

Sereh ti Gunung Koromong
dipelak di kolong sasak
Samemeh anjeun pok ngomong
pikir heula masing asak

Papan kiara ditatah
iraha jadi lomari
Mun bisa miara letah
mokaha salamet diri


Nimbang pare deukeut pager
tumpukanana ngajajar
Tinimbang jeung udar-ider
leuwih hade ge diajar

SISINDIRAN NGUTARAKEUN RASA

Kade sireum dina meja,
Wadah gula tebih kedahna,
Bade kulem mangga ngado'a
ulah hilap kanu kawasa

Ngurek belut ka Gardujati,
nyimpang heula ka kebon kalapa,
Hayu sadaya bobotoh sajati,
ulah hilap kana rebonyunda

Lajeng leumpang ka talaga,
bau banget eta laukna,
wilujeng dinten Sumpah Pemuda,
hayu sumanget ngadamel karya.

Engkang-engkang dina dulang,
batokohok endog tongo,
akang-akang geura datang,
yeuh euneng ntos sono

Bongan bangkong bongan bangkong,
ka cai teu dimandikeun.
Bongan bohong bongan bohong,
pasini teu dijadikeun.

Kapan abdi ménta cai,
naha henteu dicangkiran?
Kapan abdi ménta jangji,
naha henteu, henteu dipikiran

Saéran ti Rancamanyar,
kararas hiji-hijina.
Panasaran ku nu anyar,
ari ras jangji-jangjina

Lain nangka tapi caringin,
guyang nyirib dina sagara,
lain uka embung kawin,
hayang Persib juara heula

Teurab loba dahar tarasi,
can nginum cai ti Sukajadi,
ijab pasti jadi salaki,
bobogohan can tangtu ngajadi.

Hayu mancing dina sagara,
ngojay nyandak seueur calana,
wilujeng enjing sadaya baraya,
 mugi caket tina rido-Na

Meulah kaen tengah peuting,
lampu gantung nyieun caang,
ulah ulin jauh teuing,
hayu dukung Persib urang.

Beus telat roda na opat,
boa mesinna diganti kakara,
geus sholat ulah lumpat,
ngadoa heula Persib juara

Hayu pepelak daun enteh,
nganteur domba dina sapi,
waktu imsak lila keneh,
masih bisa ninyuh ngopi

neng ana urang cisaga ,
sakola ka majalengka .
masing urang beda sakola ,
tapi tetep urang cinta

Kembang waluh eukeur mekar,
padeukeut jeung kembang jaat,
ambéh pajauh jeung mungkar,
ulah sok ninggalkeun sholat

Jalan-jalan ka Pulo Penyengat
Inditna dina poé Jum'at,
Naon gunana pamingpin hébat,
Lamun henteu deukeut jeung rahayat,

Painganan naek badak
Singhoreng aya korsina
Painganan alim pendak
Sing horeng seeur istrina

niat bade nyandak kabaya,
 tapi malah noong randa.
lamun nya'ah kana budaya,
biasakeun ngomong sunda

jalan" ka pakistan,
tong hilap meser bonteng,
kaduhung boga pamajikan,
tp sungut.a bau septitank.

d tanjakan aya motor,
motorna motor satria,
hirupmah tong jadi koruptor,
bisi di paehan ku warga,

meuli baju make kuda,
mawa patung make sirib.
Mun rumasa urang sunda,
geus pasti ngadukung Persib

ka pasar meuli sirib,
balikna meuli pukis.
mun anjeun nyaah ka @persib ,
kade omat ulah anarkis

Ulah ngawur-ngawur cai,
 Leuheung lamun dibaskoman,
Ulah ngumbar-ngumbar jangji,
Leuheung lamun kacumponan

ngala hinis di cileat .
hinisna ngagores urat .
mantak kudu rajin solat .
ngarah salamet di aherat

sing geutol nginum jajamu
gunana ameh nguatkeun urat
sing geutol neangan elmu 
gunana keur ka aherat

hayang nyaba kabandung,
hayang apal pabrik kina..
SOK HAYANG NANYA NU PUNDUNG,
HAYANG APAL MIMITINA

Kembang cula kembang tanjung,
kembang sagala domdoman
Rek sabulan rek sataun,
moal weleh diantosan

Sing getol nginum jajamu,
nu guna nguatkeum urat,
sing getol néangan élmu,
nu guna dunya akhérat

Es lilin ku amis tiis
leuwih ngenah ti es teler..
kuring resep kanu geulis
di kiceupan jol ngagoler

maksudmah arek ka medan,
balikna ka sulawesi,
ayeuna jaman geus edan,
loba jalma nu prustasi

Ningal parab dina istal,
ngaku lele baraya kuda,
ulah hilap kana asal, h

ayu mumule budaya sunda.

Thursday, 11 October 2012

PANTUN LEBARAN


Anak gajah di kolong bale,
lagi asyik makan pete,
mohon maaf atas segale,
salah sikap dan salah kate

====================================================

Ikan teri kesamber gledek.
Idul fitri is come back.
Ada anak pelihara kate,
maafin kita sekeluarga ye.
Buah jambu disayur lodeh.
Kalo gak mau, ee e ee capek deh.

====================================================

Jalan kaki ke petamburan,
disana beli ikan cue
bentar lagi hari lebaran,
asyik ada banyak kue

====================================================

Anak kodok makan ketupat.
Makan ketupat sambil melompat.
Ngirim kartu udah gak sempat.
Pake sms pun no what-what.
Taqobbalallahu minnawaminkum.

====================================================

Ada ketupat di meja makan.
Jangan lupa opor ayamnya.
Mum­pung Sekarang Kita lebaran.
Tolong Maafin aku ya!

====================================================

Pergi ke Gombong makan kedongdong, Di Tasikmalaya beli liontin.
Maafkan daku yang sering khilaf dan sombong.
Maafkan lahir dan batin.

====================================================

Beli es di warung bu Rima. Taruh di piring santap bersama.
SMS sudah saya terima, teriring pula maksud yang sama.
Minal Aidzin wal Faidzin. Mohon maaf lahir batin.

====================================================

Tari guci rentak Melayu, Hitung langkah rentak delapan.

Hari suci di ambang pintu, Khilaf-khilafan salah mohon dimaafkan.

====================================================

mun teu bisa kajakarta
ulah wani naek kuda
mun teu bisa mere harta
ulah pedit ku pangdu'a





PIWURUK



Poe salasa tumpak kuda
kuda paninggalan walanda
urang mah urang sunda
atuh pake basa sunda

 ====================================================

kangkung diasakan ku randa
ngeunah pisan rasana
angklung teh asli ti sunda
kuring nu bogana

  ====================================================
aya pawang buhaya
pawangna ulin ka persia
kudu nyaah kana budaya
bisi dicolong ku malaysia

  ====================================================

hayang ulin ka gunung gede
di gunung aya buhaya
urang sunda sing harade
sing nyaah kana budaya

 ==================================================== 

ulin ka jalan juanda
sawaktos bulan puasa
mun ngaku urang sunda
tong poho kana basa

  ====================================================

aya jalma teu boga alis
sabab getol dikerokna
neng geulis tong gumeulis
sabab rujit nenjona

  ====================================================

baju teh apan disewakeun
disewakeun ku indung sia
basa sunda sok atuh gunakeun
saeuncan diaku ku malaysia

  ====================================================
aya huma dekeut situ
eta huma nu bogana randa
naha urang sunda teh kitu
alim nyarios ku basa sunda
  ====================================================

majar maneh rek ka huma
ka cai ngajingjing kendi
majar maneh rek karunya
lila-lila nganyeyeri

  ====================================================
paingan cacing barijil
halodo katinggang hujan
paingan teu genah cicing
kabogoh aya nu neang

  ====================================================

baju hejo dibulao
kembangna katuncar maur
seubeuh nenjo ti bareto
geus gede dikawin batur

  ====================================================

Majar maneh cengkeh koneng
kulit peuteuy dina waru
Majar maneh lengkeh koneng
kulit beuteung meuni nambru

  ====================================================

ka Bandung kuring ka bandung
sukajadi keur marema
kaduhung kuring kaduhung
heunte jadi ka manehna

  ====================================================

kamana ngaitkeun kincir
sakieu panas poena
kamana ngaitkeun pikir
sakieu panas hatena

  ====================================================
cau ambon dikorangan
korangna ka pipir-pipir
manehna ambon sorangan
urangna teu mikir-mikir

  ====================================================

samping hideung dina bilik
kumaha nuhurkeunnana
abdi nineung ka nu balik
kumaha nuturkeunnana

  ====================================================
diputer-puter paseukna
ari pek beunang talina
diincer-incer lanceukna
ari pek meunang adina

 ==================================================== 

itu gunung ieu gunung
gunungna gunung arjuna
itu pundung ieu pundung
pundungna bet duanana

 ==================================================== 

aya oplet maju ngidul
kuring wawuh ka supirna
diajar teh ulah ngedul
bisi kaduhung ahirna

  ====================================================

Majar maneh nganyam samak
neukteukkan bari motongan
majar maneh neang anak
ngadekeutan popotongan

  ====================================================
kuma suling kuma suling
suling teh ngan silung wae

Kuma kuring kuma kuring
kuring teh ngan bingung wae

  ====================================================

Aya hiji balon rek bitu
sabab kagencet ku buhaya
naha urang sunda teh kitu
mopohokeun kana budaya

 ====================================================
Aya jalma teu boga banda
sadayana tos dipasihkeun
angklung teh ti tatar sunda
naha urang bet mopohokeun

  ====================================================

ulin ka laut banda
naha jadi nalangsa
kuring teh urang sunda
kuring nyaah kana basa

  ====================================================

di kebon sato aya panda
panda ngahakan kangkung
budayakeun budaya sunda
bilih lapur kawas angklung

  ====================================================

kamari ulin ka samarinda
trus nyimpang ka bima
kuring mah da urang sunda
nyebat ka indung teh emak
  ====================================================

diluhur aya bandera
bandera gambar panda
naha kuring kudu era

pan ieu teh basa sunda

Monday, 30 July 2012

SISINDIRAN PIWURUK



Di handap ieu mangrupa conto-conto Paparikan anu watekna Piwuruk atawa Piwulang tur geus dipikawanoh ku sabagian gedé urang Sunda. Dina harti geus ilahar dipaké dina omongan sapopoé, samalah disakola mah sok diajarkeun. Rada hésé maluruh saha-sahana nu geus nganggitna.

Anapon Paparikan téh mangrupa salahsahiji wangun Sisindiran (ti sagédéngeun Rarakitan jeung Wawangsalan). Paparikan asalna tina kecap “parik” atawa “parek” anu hartina “deukeut” atawa “caket”. Pangna disebut kitu, lantaran dina Paparikan téh aya sora anu padeukeut nyatana antara sora dina cangkang jeung dina eusi.

Ditilik tina wanguna, sapada (sagunduk) Paparikan téh diwangun ku opat padalisan (jajaran). Unggal padalisan diwangun ku dalapan engang (suku kata/vokal). Padalisan kahiji jeung kadua mangrupa cangkang (sampiran), sedengkeun padalisan katilu jeung kaopat mangrupa eusi (isi). Antara cangkang jeung eusi téh teu aya hubungan (harti) nanaon, iwal ku padeukeutna sora téa (murwakanti).

Lianti miwatek Piwuruk, Paparikan ogé aya anu watekna “silihasih” atawa “birahi”, “sésébréd” atawa “banyol” (heureuy), jeung aya deui anu “cawokah” malah “jorang”, sarta aya ogé anu watekna “resmi” atawa “dines” nyaéta anu ilahar dipake pikeun bubuka jeung panutup (pangpangna dina pagelaran jeung dina biantara-biantara).



Baju kutud heureut pola
dikelin teu dijalujur
Mun teu cucud ti sakola
arisin balik ka lembur
====================================================
Barangbang dahan kalapa
malang dina jalan suni
Sanajan nu indung bapa
omat ulah wani-wani
====================================================
Batu angkik mata ali
dina peti wadah uang
Wantu abdi sanés ahli
sepi harti kirang luang
====================================================
Bobor emas dua réal
dilebur leungit saréal
Mun campur jeung jalma royal
manéh tangtu milu royal
====================================================
Daun salasih ngareluk
diseumat ku awi beulah
Nu asih ka pada mahluk
dirahmat ku Gusti Alloh
====================================================
Dimana nya melak paré
melak sampeu mah ditegal
Nu migawé lampah hadé
ibarat nu boga modal
====================================================
Hangasa bawa ti gunung
dipipit bawa di rawa
Kasaha nya sumalindung
nitipkeun raga jeung nyawa
====================================================
Hampelas raraga jati
palataran babaléan
Ihlas raga sareng pati
ngabélaan kasaéan
====================================================
Hayam jago eukeur béla
dipeuncitna ku ki santri
Kudu getol ka sakola
sangkan beunghar ku pangarti
====================================================
Jiga naon lauk enun
matak jadi kahéranan
Mun manéh cucud jeung junun
insya Alloh tinekanan
====================================================
Kanikir siki kanikir
cangkudu beunang panimu
Kapikir beuki kapikir
hirup kudu loba élmu
====================================================
Ka kulah nyiar kapiting
ngocok lobak bobodasna
Ulah sok liar ti peuting
osok loba gogodana
====================================================
Lauk emas ngakan ganggeng
disamberan ku japati
Boga emas moal langgeng
teu cara boga pangarti

====================================================
Mawa peti dina sundung
dibawa ka nusa Jawa
Pangarti teu beurat nanggung
kabisa teu beurat mawa

====================================================
Méméh ngagelarkeun kasur
samak heula ambéh rinéh
Méméh nyaritakeun batur
tilik heula awak manéh

====================================================
Nanggap wayang diheulakeun
bodorna Cépot jeung Garéng
Murid nu rajin ngapalkeun
moal meunang peunteun goréng

====================================================
Ngala lauk meunang selar
bungkusna daun Hangasa
Sakur mahluk nu gumelar
dirahmat ku Nu Kawasa

====================================================
Nimbang paré deukeut pager
tumpukanana ngajajar
Tinimbang jeung udar-ider
leuwih hadé gé diajar

====================================================
Ninun boéh pakan muda
ajar suri jeung taropong
Anu paéh taya banda
kantun diri ngajolopong

====================================================
Papan kiara ditatah
iraha jadi lomari
Mun bisa miara létah
mokaha salamét diri

====================================================
Pikasureun dijarumat
jarumna harga sasénan
Saluhureun kudu hurmat
sasama kudu ajénan

====================================================
Pulas batik encit muntah
meulina ti anu kumed
Reungeukeun kami papatah
ulah resep ceceremed

====================================================
Samping kageutahan dukuh
dikelab dikacaikeun
Nu matak manéh sing kukuh
papatah guru éstokeun

====================================================
Séréh ti Gunung Koromong
dipelak di kolong sasak
Saméméh manéh pok ngomong
pikir heula masing asak

====================================================
Susuru opat ngajajar
katinggang ku daun jati
Guguru kapalang ajar
cara kembang burung jadi

====================================================
Tatangga hajat nyunatan
saréréa milu suka
Diajar ulah béngbatan
bisi kaduhung jagana